Har du lyst til å strikke sitteunderlag og tøflar til dagsturhytta?

Klikk for stort bileteSnart har vi dagsturhytte på plass også i Gaular. Hyttene er utan varme, og på kalde dagar er det godt å ha noko varmt å sitte på eller å dra på føtene. Vi håpar derfor at mange har lyst til å vere med og strikke sitteunderlag og/eller tøflar til dagsturhytta! Har du mykje restegarn som du ikkje veit kva du skal bruke til? Vi tek imot alle bidrag med glede og stor takk!

Klikk for stort bilete

Bildene er frå hytta «Fjellro» i Jølster. Der har flittige hender tatt utfordringa, og vi håpar på like stor suksess i Gaular. Om du har restegarn, tid og lyst til å strikke blir vi og mange turglade kjempeglade! Det vil gjere hytta  enno trivelegare å besøke og du får vere med å sette DITT preg på den. Alle bidrag kan leverast til tenestetorget på kommunehuset på Sande.